Ta Hà Nội, Liên hiệp ăp mpôl kan tâm rnglăp Việt Nam ƀư tơm, kan nsum đah Bộ Ngoại giao ƀư rơh “Mâp măt nkah gĭt băl mpôl dak bah dih nkhêp nkah ndray 80 năm Quốc khánh dak Cộng hòa xã hội chủ nghĩa Việt Nam”.  Lah ta rơh mâp măt, Kruanh Ủy ban Trung ương Mặt trận Tổ quốc Việt Nam Đỗ Văn Chiến njuăl nău nkah gĭt jru tât băl mpôl dak bah dih hŏ n’grŏ tĭng, rgop an n’gâng kan rlăch ndăng rklaih luh rnoi nuĭh, dơn ngoăy neh dak, rdâk njêng n’hanh mât njrăng neh dak Việt Nam.

Việt Nam dôl nsrôih tât năm 2030 lah dak hun hao, geh jâng nsing công nghiệp têh dăng mhe, rĭng geh tĭng bôk nuĭh âk, tât 2045 lah dak hun hao, nsĭt geh wăng sa âk. Gay tât dơi ăp rnoh nê, wa Đỗ Văn Chiến lah rjăp, Đảng, Ngih dak n’hanh ƀon lan Việt Nam ŭch rŏng mbra dơn geh tay âk lơn đŏng nău mât uănh khlay, n’grŏ tĭng, nău kơl lĕ nuih  n’hâm, nsĭt geh nău dơi bah băl mpôl dak bah dih ta lĕ rngôch ăp trong kan. Nkhêp geh rnôk dja, wa Đỗ Văn Chiến hŏ ntăm Huân chương Hữu nghị n’hanh Bằng khen bah Thủ tướng Chính phủ an ăp mpôl n’hanh ăp nuĭh gay nchih nkah nău n’grŏ tĭng n’hanh nău rgop uĕh bah  băl mpôl dak bah dih đah Việt Nam.