Ntơm lơ 11 tât 15/9, rmôt kan ntoh măt Quốc hội n’gor Dak Lak ƀư ăp rơh mêt uănh nau kan bah n’gâng kan tâm n’gor bar gưl ndrel nau ntrŭnh ƀư nau nchrăp hun hao văng sa, rêh jêng năm 2025, đah nkô̆ nau hun hao văng sa 8% hao gŏ lơ. Rmôt kan mêt uănh pă jêng 2 ntŭk, geh nau dơi mêt uănh tâm 8 xã, phường, geh: Xuân Lãnh, Sông Cầu, Phú Yên, Thuy An Nam, Krông năng, Krông Pắc, Ea Kar ndrel Phường Buôn Ma Thuột. Tâm ăp n’gor, rmôt kan mra djăt nau mbơh, tâm nchră ma rđau kan gưl uỷ, n’gâng kan, mặt trận, ăp ntŭk kan geh tât mpeh nau ƀư nau kan hun hao văng sa, rêh jêng, nau kan rgâl mhe hành chính, ntrơn rgâl mrô ndrel nau kan bah n’gâng kan jêh rnôk dăp rgum tĭng nau kan bar gưl. Ngăn tâm du đê̆ xã ân saơ, êp nau ueh, nau kan n’gâng kan tâm n’gor bar gưl ntoh luh âk nau jêr.

Rnoh nau kan hao âk jêh rnôk tâm rnglăp, tâm rnôk biên chế ê geh ntop nhăn, âk nau kan kơt ntŭk nkoch mbơh nau, tơm prăk-kế toán ê geh tŏng ăp, leo tât nau jâk ir nau kan. Ndrel ma nê, ntŭk ntu ƀư kan ê geh tŏng dơi nau ŭch, ntŭk ƀư dŏng nau nkoch mbơh nau mhe ê geh đăp mpăn, nau rklaih săm ƀŭt neh ntu ndrel du đê̆ nau kan trực tuyến hôm mâp nau jêr nkol...Rmôt kan mêt uănh mra rgum ăp nau mbơh Uỷ ban Rnâng kan Quốc hội geh ăp nau đă nau kan rklaih ân năn./.