Tâm nĕ geh nău mbơh tơih rdâk njêng, uănh năl n’hanh mbơh nău mpŏng, nău ntrŭnh ƀư trong loih hăn ngăch, pă dăp rnoh prăk an ăp nău kan ƀư trong. Thủ tướng đă an n’gâng kan tuch tăm mât rong n’hanh ntŭk gŭ rêh leo kan mbơh tơih ƀư ăp nău kan geh tât mpeh neh ntu, bri, ntŭk gŭ rêh đah nău kan ƀư trong loih Lào Cai- Hà Nội- Hải Phòng. Lah na nê̆ nău đă “6kloh rjăp”, gĭ na nê̆ nuĭh, gĭt na nê̆ nău kan, gĭt na nê̆ mông nar, gĭt na nê̆ nău dơn kan, gĭt na nê nău dơi ƀư, gĭt na nê̆ ntil ndơ ƀư n’hanh jao an ăp groi Thủ tướng ntĭm đă sŏng dăng ăp trong kan na nê̆ geh tât, Ntŭk kan Chính phủ uănh nđôi, ntrŭt đă, Thủ tướng đă n’gâng kan, ntŭk kan báo chí ăp pơh mpeh ăp nău kan geh pă jao, đah ăp nău jêr, kŏ văk rĭ an geh doh rklaih tĭng nău dơi, lah rlău nău dơi rĭ mbơh tơih an ntŭk kan gưl kan geh nău dơi uănh n’hêl, ntrŭnh mbơh.