Lơ 21/8, ta ntŭk kan Trung ương Đảng, Tổng Bí thư Tô Lâm leo rơh pah kan đah rnâng kan way kan nkuăl ƀon têh Hà Nội n’hanh nkuăl ƀon têh Hồ Chí Minh gay ma an tâm rgop nău ta văn kiện, nău nchrăp kan ndŏ an Đại hội Đảng bộ 2 nkuăl ƀon têh. Nglôch lôch rơh pah kan, Tổng Bí thư Tô Lâm lah na nê̆, bar Đảng bộ an geh gĭt vât na nê̆ nău kan khlăy bâh thủ đô n’hanh nkuăl ƀon têh Hồ Chí Minh, nkre lah mpơl na nê̆ nău dơn kan đah lam dak. Tổng Bí thư Tô Lâm đă nkuăl ƀon têh Hà Nội n’hanh nkuăl ƀon têh Hồ Chí Minh an geh dơn nău tâm rgop bâh ăp đồng chí n’gâng kan chính trị, tâm rgop nău bâh ăp n’gâng kan ntŭk kan gay ma ƀư lôch nkô̆ nău văn kiện, leo ƀư dơi Đại hội Đảng bộ năm kan 2025-2030. Nkre lah, rdâk njêng bôk nău pah kan na nê̆, geh trong kan an tâm di, gay ma mât đăp mpăn ƀư dơi ăp nkô̆ mpŏng kan, nău mpŏng Đại hội ngluh mbơh, ntop ta nău hun hao nsum bâh neh dak.