Lôch dơn ngoăy, nău kan ntĭm nti ta lam n’gor geh rlău 1.370 ntŭk kan, kơl an rlău 700 rbăn kon hoc, học viên đah rlău 38.400 cán bộ, nai nti. Năm nti mhe nơh, n’gor geh nău dơi ntoh lư, 99,9% oh kon se ba dâng 6 năm deh nti jrô 1; 99,7% kon hoc lôch nti tiểu học, tốt nghiệp THPT geh 98,46%. Ntơm lăp năm nri mhe, n’gâng kan rgum 10 nău kan tơm, n’hao nău ueh ntĭm nti, rgâl mhe bôk nău nti, sƀ giáo khoa, n’hao nău ntĭm nti chính trị, nău mĭn, nău kan, rnoh mbrô, ntrôl dăng rgâl mhe rnoh mbrô, ndâk nsơm nău ntĭm nti, nti tay an nuĭh mô gĭt rplay săm ƀŭt, n’hao nău dơi ntĭm nti ndơ dŏng ta nkual jêr jŏt, rgâl mhe uănh nđôi, uănh năl, rgum lĕ ma ntŭk rêh jêng rdâk njêng ngih nti an ueh, mât đăp mpăn ngih nti n’hanh trĕ lam nău kan tâm rlong, rdâk njêng ntŭk nti mhe, nău kan ueh jăp.