Công điện lah na nê̆, ăp mpôl kan công an, tahen, mât uănh ntŭk tăch rgâl, hải quan, n’har bri...an geh leo kan gĭt na nê̆ nău kan, ngăch ndăn geh saơ, rmal ăp nău ƀư tih mpeh pháp luật, mô an geh nău tât ndal. Thủ tướng lah na nê̆ nău n’hao uănh nđôi, mât njrăng hăn trong, njrăng rtoh ŭnh sa, tâm tom ndeh, nuĭh tih, nău tih ta ntŭk rêh jêng, mât đăp mpăn ueh lăng âk an ăp nău kan chính trị, văn hóa, nău pah kan pâl nđaih, nău pâl rlưn bâh ƀon lan. Ăp ntŭk an geh nchrăp ăp trong kan tâm rdâng đah mih sial, nău tât, mât đăp mpăn rnă njrăng săk soan n’hanh drăp ndơ. Thủ tướng đă ăp ntŭk kan geh tât mbơh tơih ngăch nău tât, ntop mât đăp mpăn ueh lăng chính trị, đăp mpăn nău rêh jêng, gay ma ƀon lan lam dak vơt Tết đăp mpăn tâm nău răm rhơn, đăp mpăn.