​Lôch rơh tâm nchră gưl têh, nar 10/3, Tổng Bí thư Tô Lâm n’hanh Tổng thống Indonesia ƀư tơm rơh hop báo mbơh gĭt mpeh lôch jêh tâm nchră, rhơn mbơh n’hao têh tâm boh Việt Nam - Indonesia hao jêng tâm boh têh jong lam lĕ rngôch. Tổng Bí thư Tô Lâm an gĭt, nsing ta tâm boh tâm rnglăp way ơm uĕh lăng, đah ăp nău dơi nâp hŏ dơi geh, gĭt wât n’hanh nău tâm nsing nơm nsum, tâm nkoch âk nău tâm ban mpeh nău geh n’hanh nău an ƀư lor trong nchrăp, tâm ban kơt trong uănh nsum mpeh rnă njrăng, têh ndrŏng, hun hao nâp dăng ta nkual, kruanh rđău kan bar dak rhơn mbơh n’hao tâm boh Việt Nam- Indonesia hao jêng tâm boh- têh jong lam lĕ rngôch.

 Nău Việt Nam n’hanh Indonesia njêng tâm boh têh jong lam lĕ rngôch lah n’gâng ntơm lịch sử, pơk luh rơh hun hao mhe tâm boh đah bar dak ta lĕ rngôch ăp trong kan, ăp ntil, n’hao tâm boh nar lơn ma lăp tâng jru, ngăn ngăn, geh nău tam, yor ma nău geh bah ƀon  lan bar dak, rgop tâm nău đăp mpăn, bah tâm lơh tâm su n’hanh hun hao ta nkual n’hanh lam ntŭr neh. Tổng thống Indonesia Prabowo Subianto mpơl nău dŭt rhơn dơi wơt Tổng Bí thư Tô Lâm ndrel Mpôl ntơh măt gưl têh Việt Nam tât khâl. Nkhêp geh rnôk dja, bar ding hŏ n’hao gưl tâm boh têh jong lam lĕ rngôch.