Tâm 2 nar 16-17/9, Rnâng kan HĐND n’gor Lâm Đồng tâm rgop đah Vụ Công tác đại biểu, Ủy ban Công tác đại biểu Quốc hội ƀư rƀŭn nchră tiăr nti nău wât mhe an ăp đại biểu HĐND gưl xă gay n’hao gĭt blău pháp luật, blău nău kan an đại biểu. Tă bah trong ƀư na nê̆ ta ntŭk n’hanh trực tuyến, Rƀŭn nchră tiăr nti gay n’hao gĭt blău pháp luật, nău blău pah kan an đại biểu HĐND gưl xă bah n’gor Lâm Đồng.

Rƀŭn nchră dơi boăt nthoi bah ntŭk ƀoh tơm ta Đà Lạt tât 120 ntŭk ƀoh tâm n’gor n’hanh geh 1.720 đại biểu râng. Wa K’Mák, Groi Kruanh HĐND n’gor Lâm Đồng, an gĭt, na nê̆ ta n’gor Lâm Đông an saơ kơp bah rnôk ntrong ƀư n’gâng kan ƀon lan 2 gưl dơi ƀư n’hanh mô hôm gưl nkuăl rnoh nău kan bah HĐND gưl xă hao âk n’gluh an nău khlay mpeh nău n’hao blău nău way kan kơt nău blău ngăn gay tŏng ăp săk rnglăy ăp nău kan mhe.