Măng nđaơ 11/9, ta Tokyo, Đại sứ quán Việt Nam ta Nhật Bản ƀư Nkah gĭt 80 năm Quốc khánh dak Cộng Hòa xã hội chủ nghĩa Việt Nam, đah tât râng bah nklăp 500 bu năch ntoh măt an Chính phủ, ăp ngih pah kan, doanh nghiệp, ƀon lan, ăp truyền thông Nhật Bản n’hanh ăp ngih pah kan tâm rnglăp nchră nău dak bah dih ta Nhật Bản.

Ntoh ngơi ta nar ƀư, Đại sứ đặc mệnh toàn quyền Việt Nam ta Nhật Bản Phạm Quang Hiệu nkoch nău nchrat ang 80 năm bah năp đah gưl prêh lah lơ 2/9/1945 n’hanh njar trong hăn âk njê, yơn âk nău ntô̆ n’hao n’hanh âk lôch dơi uĕh bah rnoi nuĭh Việt Nam. Ntoh măt an mpeh Nhật Bản, wa Fukuyama Tetsuro-Groi Kruanh Thượng viện Nhật Bản mbah rhơn Việt Nam di 80 năm Quốc Khánh, nkoch nău rnê đah âk nău geh Việt Nam lĕ dơi geh tâm năm bah năp, nkre mĭn lah ŭch ƀư jru tay tâm boh đah Việt Nam tâm năm tât.