Rƀŏng mpeh lễ Quốc khánh 2/9, nar ntri (25/8), ta Tokyo, Đại sứ quán Việt Nam ta Nhật Bản ƀư Lễ mít tinh nkah ndray 80 năm Cách mạng Khay pham geh nău dơi n’hanh 80 njêng ăp n’gâng kan tâm boh dak bah dih, Prăk kaih, Nội vụ n’hanh Ntĭm nti. Lah ta rơh lễ, Đại sứ đặc mệnh toàn quyền Việt Nam ta Nhật Bản Phạm Quang Hiệu lah rjăp nău rgop têh kuâng bah ăp n’gâng kan n’hanh nău khlay bah nău kan nsum đah tâm boh dak bah dih đah ăp n’gâng kan êng ƀa ƀă tâm n’gâng kan hun hao neh dak.

Ta rơh lễ, ntơh măt ăp n’gâng kan ton mbra nsrôih tay, kan nsum lhăt đah ăp nhih pah kan ntơh măt tâm boh dak bah dih ta ntŭk, tĭng ƀư geh nău tam nău dơn kan chính trị bah tĭng nhih pah kan, rgop an nău hun hao bah Việt Nam, Nhật Bản n’hanh tâm boh bar dak. Dơi gĭt, Đại sứ quán Việt Nam ta Nhật Bản mbra ƀư tay âk nău kan rong an ăp băl tâm boh Nhật Bản, Mpôl nuĭh Việt Nam ta Nhật Bản, rƀŏng tât 80 năm Cách mạng Khay pham geh nău dơi n’hanh Lễ Quốc khánh 2/9.