Ôi lơ 11/9, ta Phường Lâm Viên, Đà Lạt, Ngih săm ƀŭt cán bộ Thanh tra tâm rgop ma Thanh tra n’gor Lâm Đồng ntơm pơk jrâu ntĭm nti nau kan vơt nŭih ƀon lan, rklaih săm ƀŭt mbơh, đă phong, rklaih nau ăp ntil. Tâm 2 nar, 2000 nŭih lah cán bộ, công chức, viên chức gưl n’gor ndrel xã mra geh dŏng uănh ăp ntil nau ntrŭnh pháp luật mhe, nchiărr nau blau pă, rklaih săm ƀŭt, tâm nchră, rklaih nau tât jêr ndrel dŏng nau kan mrô tâm rnôk vơt nŭih ƀon lan.

Tĭng wa Ngô Kiểm, Chánh Thanh tra n’gor Lâm Đồng, nau ƀư ăp jrâu ntĭm nti aơ mô êng knŭng rgop nau n’hao nau nâp, nau săk tam nau kan vơt ƀon lan ma hôm ntoh nau nsôih ndâk nau kan hành chính kloh rjăp, săk tam, ƀư nâp nau rnơm bah ƀon lan. Nkre lah, lah rmôt cán bộ tâm dâng pah kan ueh, rklaih năn ntơm bôk năp mra n’huch ăp nau phong lah rlet gưl, rgop nau leo lăp dŏng săk tam nau kan n’gâng kan bar gưl tâm n’gor./.