Wa Lê Hoài Trung, Nuĭh dơi manh ƀư Bộ trưởng Ngoại giao hŏ geh rơh kuăl điện tâm nchră pơk sŏng dăng wa Thongsavanh Phomvihane, Ủy viên Trung ương Đảng Ƀon lan Cách mạng Lào, Bộ trưởng Ngoại giao Lào. Ta rơh kuăl điện tâm nchră, wa Lê Hoài Trung lah rjăp Việt Nam way uănh khlay n’hanh rong an  lor dâk bôk năp tâm boh đah Lào; lah rjăp mbra tâm boh tay lhăt đah Bộ trưởng Ngoại giao Lào gay rgop ntrŭt ntrôl dăng tâm boh đah bar dak lah nsum n’hanh đah bar Bộ Ngoại giao lah êng.

Bar Bộ trưởng tâm ban ŭch mbra kan nsum tay lhăt an ƀư geh nău tam ăp nău tâm ton gưl têh n’hanh nchrăp uĕh an ăp nău kan khlay bah ăp dak tâm ban kơt đah bar dak tâm let năp tay. Việt Nam mbra tâm pă nău tă ơm gĭt kan, ntop kơl Lào tâm hun hao wăng sa- rêh jêng kon nuĭh, lơn lah tâm trong tĭng ƀư ăp rnoh tât kan jŏ jong.