Di rơh ntơm pơk rƀŭn nchră tal poăn, Quốc hội khóa 15 n’hanh kahgĭt 92 năm nar njêng Hội liên hiệp bu ur Việt Nam, kêng măng nar 20/10, ta ntŭk kan kruanh dak, Kruanh dak Nguyễn Xuân Phúc tâm mâp bu ur đại biểu lah ăp đồng chí leo kan, tă leo kan Đảng, ngih dak n’hanh ăp đồng chí bu ur Ủy viên Trung ương Đảng khóa 13, ăp bu ur đại biểu Quốc hội khóa 15.

Râng rơh tâm mâp măt geh Thủ tướng chính phủ Phạm Minh Chính, kruanh Quốc hội Vương Đình Huệ, tă kan kruanh Quốc hội Nguyễn Thị Kim Ngân. Kruanh dak lah na nê̆, Đảng n’hanh ngih dak ge dŭt uănh khlăy hun hao mpôl cán bộ bu ur tâm trong kan chính trị bâh trung ương tât ntŭk kan ba dâng, văn kiện đại hội, nghị quyết Trung ương lĕ geh mbơh tơih dŭt na nê̆ tât nău aơ. Bâh ăp năm kan Quốc hội, ăp bu ur đại biểu way geh mbơh na nê̆ nău leo kan, nău mĭn blău, nău dơi bâh ăp bu ur ntoh lư, đại biểu bâh ƀon lan. Kruanh dak dăn đă, gâl ủy, n’gâng kan ta ntŭk, ăp n’gâng kan, ntŭk kan mât uănh na nê̆, ngăn ngên, geh săk rnglăy tâm nău mbơh ƀư ăp nău ntrŭnh mpeh nău kan bu ur, n’hao tay lơn nău kan bâh cán bộ bu ur tâm ăp nău kan wăng sa- rêh jêng, chính trị, ngăn lah nău kan bâh ăp bu ur đại biểu Quốc hội.

VOV Tây Nguyên/ Nuĭh rblang: Thị Đoắt