Ôi lơ 21/8, Ủy ban văn hóa- rêh jêng bâh Quốc hội tâm rgop đah ăp ủy ban n’hanh ntŭk kan geh tât ƀư rơh mbơh rblang mpeh nău kan ƀư tĭng nău kơl, pháp luật tâm njrăng, rdâng mhât rlăm, ndơ sông sa rlăm. Nău mbơh tơih an saơ, nău mhât rlăm, dak si mô ueh nâp n’hanh ndơ sông sa rlăm geh dŭt jêr njrăng, ƀư mô ueh tât săk soan, nău rêh ƀon lan n’hanh nău knơm bâh n’gâng kan dak si. Bâh năm 2024 tât aƀaơ, mpôl kan mât uănh ntŭk tăch rgâl lĕ geh njrăng rmal rlău 11.600 rơh ƀư tih rmal tât rlău 76 rmen prăk, êng dak si, ndơ ngêt sông êng geh 345 roeh, rmal rlău 29 rmen prăk, ndơ ƀư tih geh rnoh khlăy rlău 14 rmen prăk. Kruanh n’gâng kan dak si Đào Hồng Lan lah na nê̆, dak si rlăm n’hanh ndơ dŏng rlăm lah nău kan dŭt mô ueh, an geh nău lăp kan tâm ban, răng dăng bâh lĕ trong kan chính trị. Tâm ba năp nơh, Chính phủ, ăp n’gâng kan, ăp ntŭk kan lĕ geh mbơh ƀư âk trong kan, yơn hôm nha geh âk nău mô dơi mpeh pháp luật n’hanh leo ƀư nău kan.