Ôi 16/9, Bộ Chính trị, Ban Bí thư ƀư Rƀŭn nchră lam dak mât uănh n’hanh mbơh ƀư 4 nghị quyết khlay geh: Nghị quyết 59 mpeh rgum lăp lam ntŭr neh; Nghị quyết 70 mpeh rnă njrăng ŭnh nar; Nghị quyết 71 mpeh hun hao ntĭm nti; n’hanh Nghị quyết 72 mpeh mât njrăng, mât rong, n’hao săk soan an nuĭh ƀon lan.

Ntoh ngơi ntĭm rđău, Tổng Bí thư Tô Lâm lah rjăp nău khlay ngăn bah rƀŭn nchră, n’hanh mĭn lah ăp Nghị quyết aơ lah nău nthoi n’hanh ntop dăng an “Kôp 4 Nghị quyết” têh khlay. Tổng Bí thư Tô Lâm rgop an ndâk njêng Ban Ntĭm rđău Trung ương đah tĭng Nghị quyết mô lah Ban ntĭm rđău Trung ương mpeh nău mbơh ƀư ăp Nghị quyết bah Bộ chính trị. Tổng Bí thư đă ăp n’gâng kan, nău kan ƀon lan, tĭng cán bộ, đảng viên ntơm lăp ƀư tĭng đah nuih n’hâm “ngơi hăn ndrel ƀư”, nuĭh djôt bôk trok dơn săk rnglăy, mô ntrŭt, dêr.