Ntŭk mpla nsơ bơi 500m2 bah VOV ta mpla nsơ “80 năm trong hăn Đăp mpăn-Dah rŏng-uĕh lăng” mpơl tay tâm rnôk 80 năm hăn ndrel n’hanh hun hao ndrel neh dak. VOV lĕ rgŏ jă nău mĭn, nuih n’hâm bah lĕ phóng viên, biên tập viên, kỹ thuật viên, nghệ sĩ n’hanh công viên chức gay ƀư ntŭk mpla nsơ mpơl tay ăp nău têh khlay bah Radio nău ngơi Việt Nam, kơt pơk Tuyên ngôn độc lâp 2/9/1945, mbơh nău dơi Điện Biên Phủ, Lơh dăng yan puh 1975... ăp nău têl bôk năp tâm trong lịch sử têh dăng bah neh dak. Wa Phạm Mạnh Hùng-Groi Tổng Giám đốc Radio nău ngơi Việt Nam

Ăp nău têl ơm khlay kơt tâm rnôk rgâl mhe bah Đảng, tâm rnôk hun hao mpeh nkô̆ nău, khoa học-công nghệ-mât uănh bah Radio hăn ndrel, hăn ndrel đah ăp nău têh khlay bah neh dak m’hâm jêng dơi saơ tâm ntŭk mpla nsơ bah Radio nău ngơi Việt Nam. Rnôk ƀon lan tât khâl ntŭk nĕ dơi gĭt lịch sử hun hao 80 năm bah năp bâh Radip nău ngơi Việt Nam, bah nar pơk bôk năp lơ 7/9 năm 1945 tât lvang rgâl mhe aƀaơ. Ăp du gưl lịch sử hun hao neh dak geh nău hăn ndrel đah nău râng na nê̆ bah Radio nău ngơi Việt Nam lăp nău kan cách mạng bah rnoi nuĭh.

Wa Phạm Mạnh Hùng mĭn lah đŏng: Tâm rnôk ƀư mpla nsơ VOV mbra pă an cán bộ, phóng viên, nghệ sĩ tâm nđŭr n’hanh ntĭm nău ƀư ngăn pah kan mĭn joi mpeh lịch sử âk nău ntô̆ n’hao bah Radio nău ngơi Việt Nam.

Rlău ăp trong êng êng n’hanh lơn lah rnôk ƀon lan tât khâl ntŭk mpla nsơ dơi rlet rlău ntŭk ntô rêh ndrel đah ăp nău nteh nău ngơi Việt Nam, dơi ƀư ngăn ntŭk ntô rup gui VR mpeh Nar 2/9 ta Quảng trường Ba Đình, rnôk Wa Hồ răk tuyên ngôn độc lập; mô lah ăp nău khlay ri geh âk nău ƀư ngăn đah nău nteh. Mpôl hên mbra nkoch ăp ndơ nkoch mbơh mhe bah Radio nău ngơi Việt Nam, kơt: Báo điện tử Tiếng nói Việt Nam, Báo điện tử VTCNews, trong pơk ntuh ngơi Ntung trong n’hanh geh nău luh mhe nău mhe luh lah bản giao thông Duyên Hải; dơi ƀư ngăn ăp nkô̆ nău ma aƀaơ dŭt âk ta ntŭk mrô:

Ndơ ƀư mpla nsơ “Nău geh neh dak-trong hăn 80 năm yor Đăp mpăn-Dah rŏng-Uĕh lăng ta Ntŭk mpla nsơ Ngih dak (ta Đông Anh, Hà Nội) pơk mpông wơt nuĭh ƀon lan uănh nsông, ƀư ngăn bah lơ 28/8 tât 5/9, ton mbra geh ntŭk tât mhe răm m’ak n’hanh ntô̆ n’hao an nuĭh ƀon lan Việt Nam.