Rơh rƀŭn nchră geh ƀư tĭng trong kan sŏng dăng tâm rgop sŏng dăng tât rlău 1.140 ntŭk tâm ƀoh nău bâh ăp Đảng uỷ geh leo kan, đah rlău 12.500 đảng viên tât râng. Ta rơh rƀŭn nchră, đồng chí Trần Thanh Trường, Vụ trưởng vụ leo kan, Điêù lệ, rnâng kan leo kan Trung ương lĕ geh sŏng dăng mbơh tơih ăp nkô̆ nău tơm khlăy bâh nău ntrŭnh mbrô 294 n’hanh ntĭm leo mbrô 06. Ngoăy tâm âk nău mhe têh ngăn lah nău pă dăp tay ntŭk leo kan bâh Đảng tĭng ntŭk kan hành chính 2 gưl n’gor n’hanh xã, nklơi gưl nkuăl, an tâm di đah trong kan pă dăp ntŭk kan hành chính bâh ngih dak. Trung ương lĕ geh ntop nău rlong kan, kơt nău njêng đảng bộ xã, phường mât nău kan bâh n’gor uỷ leo kan, nkuăl ƀon têh, ntrŭnh na nê̆ mpeh leo kan đảng ta ăp nkual gôl dak, nkre lah rgâl kan, nklơi du đê̆ nkô̆ nău dŭt na nê̆ gay ma mât leo nău kloh rjăp, dơh pah kan.