Nău nchrăp an rơh săch đại biểu Quốc hội khóa 16 n’hanh đại biểu Hội đồng nhân dân ăp gưl năm kan 2026-2031 lĕ geh ƀư tâm rnôk nău kan dŭt khlăy, nĕ lah rơh kahgĭt 80 năm Quốc khánh, mpŏng tât kahgĭt 80 năm rơh săch kruanh lĕ rngôch bôk năp Quốc hội Việt Nam, rơh kan cách mạng mpeh leo ƀư nău kan dôl geh ƀư răng dăng, mpŏng tât Đại hội đại biểu lam dak tal 14 bâh Đảng tâm ban kơt ta lam ntur neh geh âk nău rgâl, nău hun hao bâh rgâl mhe rnoh mbrô. Lôch rơh rƀŭn nchră, Groi kruanh Quốc hội Nguyễn Đức Hải lah na nê̆, Tiểu ban mbơh nău, rgŏ jă geh nău kan n’hanh kơl an Hội đồng săch kruanh ngih dak ntĭm đă, ntĭm leo kan nău mbơh nău mhe, mbơh tơih n’hanh rgŏ jă săch kruanh. Aơ lah nău kan dŭt khlăy ngăn, ntop geh nău ntrŭnh ta nău dơi kan bâh rơh săch kruanh. Yor nĕ, ăp nuĭh kan ta Tiểu ban geh nău dơn têh, tâm rgop ta nău dơi nsum na nê̆ đah gay ma mât đăp mpăn rơh bầu cử geh ƀư ueh đăp mpăn, dơi geh nău geh ueh ngăn.