Ta ngih nti THCS Chu Văn An (xã Ia O, n’gor Gia Lai), Đại tá Đoàn Ngọc Báu- Chính ủy tahen n’har bri n’gor Gia Lai lĕ geh pă ndơ rgŏ jă an bôk năm an kon hoc bâh bôk nău kan “N’hao joat jâng oh tât ngih nti”, đah lĕ rnoh khlăy rlău 150 rkeh prăk. Ăp nklâm ndơ mpơl nău rŏng, nău dơn kan bâh ăp nuĭh tahen ta n’har bri an ăp rơh ba kơi. Aơ lah rơh rgŏ jă kơl an ăp oh rlet rlău nău jêr đăp mpăn nău nti. Kơp ta lam trong n’har bri Gia Lai, ăp ntŭk kan n’har bri n’gor pă an 85 nklâm ndơ (du nklâm geh 2 rkeh prăk) bâh bôk nău kan  “Kon rong pôih tahen n’har bri” n’hanh 193 nklâm ndơ 7,4 rkeh prăk tâm nău nchrăp kan “n’hao joat jâng oh tât ngih nti”. Lĕ rnoh prăk bâh rơh kơl an bơi tât 1,6 rmen prăk.