Măng nđaơ (24/8), Thủ tướng Chính phủ Phạm Minh geh măt ta N’gâng kan ntĭm rđău tiền phương bah Chính phủ gŭ ta Bộ Tư lệnh Quân khu 4, n’gor Nghệ An, na nê̆ ntĭm rđău trong kan rdâng đah phŭt mrô 5. Ta rơh pah kan, Thủ tướng Chính phủ Phạm Minh Chính lĕ djăt Kruanh N’gâng kan  Tuch tăm mât rong n’hanh hun hao ƀon lan, N’gâng kan Tài nguyên n’hanh Môi trường; kruanh nkual ƀon têh Huế n’hanh ăp n’gor: Quảng Trị, Hà Tĩnh, Nghệ An, Thanh Hóa...

mbơh trong kan rdâng đah phŭt mrô 5. Đah nuih n’hâm “njrăng lơn lah n’gang”, Thủ tướng đă an nchrăp ta rnoh têh ngăn.Thủ tướng lah rjăp ngăn, nău rdâng phŭt mrô 5 lah an đăp mpăn nău rêh bah nuĭh ƀon lan lor bôk năp. Thủ tướng đă ăp gưl, nău kan n’hanh ƀon lan nchrăp dâl ntơm nar aơ, đah nuih n’hâm nchrăp âk ngăn; nkre kơp uănh na nê̆, nchrăp ăp trong rdâng. Ban ntĭm rđău Tahen nkual 4, ƀư ntŭk ƀĭt joet, tâm rgop rjăp đah N’gâng kahn tuch tăm n’hanh hun hao ƀon lan, N’gâng kan Tài nguyên n’hanh Môi trường ndrel ăp rmôt kan geh tât.