Thủ tướng Chính phủ Phạm Minh Chính râng rơh rƀŭn nchră Quân chính lam tahen 6 khay bôk năm 2025.
Thứ sáu, 09:53, 04/07/2025 Nuĭh rblang: Thị Đoắt Nuĭh rblang: Thị Đoắt
VOV.Mnông:Ta Hà Nội, Thủ tướng Chính phủ Phạm Minh Chính râng rơh rƀŭn nchră Quân chính lam tahen 6 khay bôk năm 2025, gay ma uănh năl nău geh ƀư tĭng nău kan tahen, mât rnă njrăng ngih dak tâm 6 khay ba năp n’hanh ngluh mbơh trong kan, nău kan an 6 khay dŭt năm.

6 khay bôk năm aơ, đah nău dơn kan, nău nsrôih âk, lĕ tahen way geh mbra tâm rdâng kan âk, gĭt na nê̆, nchroh mbơh di nău kan, ngăch mbơh ôp nău đah Đảng, ngih dak uănh năl tâm di, săk rnglăy ăp nău tât ndal, mô an geh nău tât mô ueh, tât ndal, mât ueh nâp nău ƀư tơm bâh nkual neh, mât rnă njrăng đăp mpăn ta lam dak. Ntoh ngơi ta rơh rƀŭn nchră, Thủ tướng Phạm Minh Chính lah na nê̆ tâm let năp tay n’gâng kan mât rnă njrăng ngih dak an geh ƀư ueh nău kan mbơh trong kan tơm đah Đảng, ngih dak n’hanh ăp nău ntrŭnh trong kan tơm khlăy mpeh nău kan tahen, mât rnă njrăng ngih dak, gĭt na nê̆, uănh năl, nchroh mbơh di nău ngăn, ngăch mbơh ôp, njrăng rmal nău tât, gĭt na nê̆ nău kan, săk rnglăy mât leo ăp nău tât ndal, ngăn lah mât nău ƀư tơm. Ta meng nĕ, ngăch ƀư mbơh tơih ăp nău kan mpeh tahen, mât rnă njrăng ngih dak, mât đăp mpăn an tâm ban, ueh di n’hanh tâm di đah nău mât uănh bâh ngih dak.

Nuĭh rblang: Thị Đoắt

Viết bình luận

TIN CÙNG CHUYÊN MỤC