Tâm trôm bah Rƀŭn nchră wăng sa ƀư êng Việt Nam năm 2025, kêng măng (16/9) ta Hà Nội ƀư rơh tâm nchră gưl prêh. Rơh tâm nchră geh tât râng bơi 1 rbăn đại biểu lah kruanh Chính phủ, ăp n’gâng kan, nău kan, ƀon lan, ăp rmôt kan dak bah dih, ăp nuĭh way kan, nuĭh khoa học n’hanh nsum mpôl doanh nhân ƀư êng lam dak.

Ntoh ngơi ta rơh tâm nchră gưl prêh, Thủ tướng Phạm Minh Chính mpŏng ŭch ăp doanh nghiệp, doanh nhân tĭng rjăp nău ntrŭnh, trong hăn, nău kơl bah Đảng, Ngih dak, ƀư tĭng nău rêh tăch rgâl n’hanh lĕ đah kon nuĭh; hăn ndrel đah Đảng, Ngih dak n’hanh nuĭh ƀon lan tĭng trong hăn đăp mpăn rnoi nuĭh, CNXH. Mpeh nău kan na nê̆, Thủ tướng đă ƀư tĭng săk rnglăy ăp nghị quyết bah Đại hội 13, ăp nghị quyết bah Bộ Chính trị mhe an, tâm nĕ uănh khlay kơt dŏng công nghệ, rgâl mĭn ƀư mhe gay nâp nâl, hun hao ăp nuih n’hâm hao jêng mhe.