Măng ntri (4/9), ta Nhih pah kan Chính phủ, Thủ tướng Phạm Minh Chính wơt Bộ trưởng Bộ Quốc phòng Azerbaijan, Thượng tướng Zakir Hasanov n’hanh ăp nuĭh tâm mpôl hăn khâl ngăn Việt Nam, râng lễ nkah ndray 80 năm Cách mạng Khay pham geh nău dơi n’hanh Quốc khánh 2/9.

Ta rơh wơt, Thủ tướng Phạm Minh Chính dăn đă Bộ Quốc phòng bar dak ntrôl dăng tay, ƀư jru hvi lơn đŏng tâm boh njrăng n’gang neh dak bar ding tâm di đah Siƀŭt nchih nkah đah Bộ Quốc phòng bar dak mpeh tâm boh njrăng n’gang n’hanh ăp siƀŭt nchih nkah hŏ ký ton; ma trong tâm khâl ăp gưl, lơn lah gưl têh; ntrŭt ntrôl tâm boh ntĭm nti; tâm boh đăp mpăn ndrăp ndơ - kỹ thuật, gŭ mĭn, ndơ̆ rgâl công nghệ, hun hao công nghiệp quốc phòng, ntrŭt ntrôl buăt nthoi trong loih, tâm nđŭr văn hóa, tâm nđŭr ƀon lan.