Măng 27/7, ta Ngih Chính phủ, Thủ tướng Phạm Minh Chính ƀư tơm rơh rƀŭn mpeh nău ndâk ƀư ngih samƀŭt an ăp xă n’har bri, geh jay gŭ nội trú an kon hŏk n’hanh nai. Thủ tướng lah rjăp, nău ƀư tĭng N’glôch jêh mrô 81 bah Bộ Chính trị lah nău ntrŭnh têh, geh nkô̆ nău kơl nuĭh uĕh ngăn.

Tâm lvang 2025-2027, mbra ndâk ƀư 248 ngih samƀŭt phổ thông nội trú, bán trú 2 gưl Tiểu học-THCS ta 248 xă n’har bri neh kơh. Thủ tướng đă mbơh ƀư ngăch, têh dăng gay jêh đêt ngăn 100 ngih samƀŭt bah năp lơ 30/8/2026. Nkre, đă ăp ntŭk ndăn kơp uănh dăp rgum, tâm pă neh tŏng ăp, điện, dak, viễn thông... rhŏ an nău ndâk ƀư. Aơ lah nău kan jăch ndăn gay hun hao nuĭh kan, n’hao uĕh an ƀon lan, nta an nti nsơm an kon hŏk ta nkual jru ngai, rgop nâp nâl mât njrăng bri dak-rnă njrăng ntŭk n’har bri Neh dak.