Ôi 26/8 ta Hà Nội, Thủ tướng Chính phủ Phạm Minh Chính ƀư tơm Rƀŭn nchră n’glôch jêh bôk nău kan n’hanh ntrong leo tâm rlong “Lam dak ndrel ty jut ngih rông, mpông sat”. Tât aƀaơ lam dak lĕ jut rlău 334 rbăn rnăk jay truh sat, ngih rông mpông sat mô đăp mpăn rnoh an ƀư 3 dăng; bơi 50 rbăn rmen prăk dơi ƀư tâm bôk nău kan, tâm nĕ rnoh prăk rgŏ jă geh 24 rbăn rmen prăk.

Thủ tướng nkoch nău răm rhơn rnôk Việt Nam lĕ ntơm jêh nău rƀŏng jut ngih rông mpông sa ta lam dak”, lah nău geh ntoh lư, ngăn ngên mbah rhơn 80 năm Cách mạng khay 8, Quốc khánh 2/9. Yơn lah, tĭng Thủ tướng, mhe aơ knŭng lah jâng trong hăn bôk năp gay “đăp mpăn gŭ âm”-năm tât ăp n’gâng kan, nău kan, ƀon lan an geh nău kơl mhe ntop kơl gay ăp rnăk aơ gay “ndâk njêng nău kan”, nsrôih tât năm 2030 Việt Nam ntơm mô hôm geh rnăk ach o. Bah meng “đăp mpăn gŭ âm” ri an “ndâk njêng nău kan”, nta an nău kan, nta joi nău rêh an nuĭh ƀon lan.