Măng 26/8, ta Ngih Chính phủ, Thủ tướng Phạm Minh Chính ƀư tơm rơh rƀŭn Ban Ntĭm rđău Ngih dak mpeh Rgum lăp lam ntŭr neh. Thủ tướng lah rjăp, rgum lăp lĕ jêng nuih n’hâm khlay n’hao n’hâm soan tâm dak, rhŏ hun hao neh dak. Dĭng lĕ geh prăk tăch n’gluh 7 khay năm aơ geh rlău 514 rmen đôlar; prăk ntuh kơl na nê̆ dak bah dih (FDI) dăn nchih săk n’hanh ƀư geh 24 rmen đôlar, ndơ̆ Việt Nam tâm rmôt 15 dak dôl hun hao wăch rgum FDI âk ngăn lam ntŭr neh.

Rgum lăp ntrôl jêh trong ƀư tâm dak, rgâl na nê̆ ăp tâm ton lam ntŭr neh, n’hao ntŭk gŭ n’hanh nău ngơi bah Việt Nam ta ntŭk lam ntŭr neh. Thủ tướng đă ndăn ndâk njêng Nghị quyết bah Quốc hội mpeh trong ƀư, nău kơl êng tâm rgum lăp; rgum dôh rklaih ntŭk kol mpeh trong ƀư, nău kơl, jêng rgâl mhe gay rgum lăp ntŭr neh ngăn ngên nuih n’hâm an hun hao.