Kêng măng (9/9) ta Ngih Trung ương Đảng, Rmôt Pah kan mrô 2 bah Bộ Chính trị pah kan đah ntoh măt ăp Ban Thường vụ N’gor ủy Tây Ninh, Tuyên Quang gay an rgop nău tâm ăp dự thảo văn kiện n’hanh trong ƀư nuĭh kan gưl ủy mbơh an Đại hội đại biểu Đảng bộ n’gor năm kan 2025-2030. Rmôt Pah kan mrô 2 yor Thủ tướng Chính phủ Phạm Minh Chính ƀư tơm nar pah kan.

Ntoh ngơi bah ăp đồng chí Bộ Chính trị, Ban Bí thư ntơm tâm ban ŭch đah dự thảo ăp văn kiện bah n’gor ủy Tây Ninh, Tuyên Quang nkre đă ƀư kloh tay ăp săk rnglăy ntoh lư, ăp nău mô hŏ dơi ƀư, ntop tay nkoch kloh mpeh nău geh, nău dăng bah ăp n’gor, ntop tay trong uănh têh tâm lvang mhe n’hanh n’gluh an nău đă đah tĭng n’gor. Êng đah n’gor Tây Ninh đồng chí Phạm Minh Chính đă Đảng bộ n’gor ntrôl dăng ndâk njêng Đảng, trong chính trị kloh uĕh, nâp dăng, mât uĕh nău way ơm janh dăng, nâp uĕh; ngăch hun hao wăng sa-rêh jêng; đăp mpăn mât njrăng bri dak-rnă njrăng; ndrel lam dak lăp răch năm mhe-rach năm hao êng săk nơm bah rnoi nuĭh.