Ôi 7/9, ta Thủ đô Hà Nội, Đài TNVN ƀư Nkah gĭt 80 năm nar ndâk njêng (7/9/1945-7/9/2025) n’hanh wơt dơn Huân chương Hồ Chí Minh rơh tal 3. Đah nău way ơm uĕh ang, đah soan dăng n’hanh nsing nơm bah du ngih pah kan way ơm tơm khlay bah 8 năm ndâk njêng, têh jêng, Thủ tướng Phạm Minh Chính an lah Đài TNVN an nsrôih tay, rgâl mhe lơn tay mpeh nău mĭn, nău wât n’hanh nău ƀư, rgâl mhe, n’hao săk rnglăy ăp ntil nău ƀư mât ndrăy nău way ơm, ndơn tay nău kan, nchih tay plơk mhe ma ăp rơh hăn bah năp lĕ rgum đah nuih n’hâm bah báo chí cách mạng “thép trong bút, lửa trong tim”, “loih tâm mâng nchih, ŭnh tâm play nuih”, rgop âk lơn tay an nău kan ndâk njêng, hun hao neh dak n’hanh mât njrăng Neh dak.

Thủ tướng đă Đài TNVN rgâl mhe nău mĭn, trong ƀư, uănh khlay uĕh nâp, săk rnglăy, ƀư tĭng uĕh lơn tay nău kan mbơh nkoch nu nău đah trong way ƀư 30 rplay samƀŭt “Tơm khlay, uĕh di, ngăch-nchrăp lor, ngăch tâm pleh, mĭn ƀư mhe-Hăn ndrel, dŭt n’hâm, lĕ đah nău kan-Nău uĕh, khoa học, mhe-dŭt n’hâm, ngăch, săch rnglăy”. Rơh aơ, Thủ tướng an Đài TNVN 16 rplay samƀŭt: “Bản lĩnh-khách quan-Toàn diện-kịp thời-Bản sắc-Số hóa-Sáng tạo-Hiệu quả”.