Tâm rơh pah kan ta ăp n’gor mpeh bah dâng, mhe rlău Thủ tướng Chính phủ Phạm Minh Chính lĕ uănh nđôi ntrong ƀư n’gâng kan 2 gưl ta phường Thới Sơn (An Giang) n’hanh xă Mỹ Hiệp (Đồng Tháp). Ta Thới Sơn, Thủ tướng lah rjăp nău ƀư tơm bah ƀon lan n’har bri tâm nău mât đăp mpăn, kan ndrel n’hanh nta nơih an nuĭh ƀon lan 2 ding hăn nsong, ƀư sa.

Thủ tướng đă n’gâng kan ƀon lan rgum gĭt nu nău nuĭh ƀon lan, mô an nuĭh m’hik rlăm, nkre tâm pleh tay cán bộ n’gor sĭt phường ngăch, mĭn ƀư mhe, di nău ntrŭnh. Ta xă Mỹ Hiệp, Thủ tướng đă ndâk njêng ntŭk pah kan na nê̆, tâm di đah gưl nău kan bah tĭng ntŭk kan; ƀư uĕh trong kan nchrăp đại hội Đảng bộ ăp gưl, rgop nâp nâl n’gâng kan bah dâng đêt dơh tŏng ăp, săk rnglăy, tâm di nău đă hun hao bah n’gor.