Lah na nê̆ nău khlăy bâh nău kan A80, Thượng tướng đă ăp ntŭk kan, n’gâng kan geh vơt ueh nău kan ntĭm nti, mât uănh nău kan, trong kan rdâk njêng nsrôih an cán bộ, tahen, mât uănh tât nău rêh, ndơ dŏng nău mĭn bâh tahen. Thượng tướng Lê Huy Vịnh lah na nê̆, ăp mpôl kan kĩ thuật an geh n’hao nău mĭn kan, ƀư tơm mpeh phao blêu, ndơ dŏng, mât đăp mpăn kĩ thuật an ueh ngăn. Lôch geh ƀư nău kan, ăp ntŭk kan an geh uanh leo năl kan, nkhôm ngăch n’hanh hăn tahen na nê̆, đăp mpăn lĕ rngôch.