
Ta nkual ƀon têh Pleiku, Ban Thường vụ Tỉnh ủy Gia Lai ƀư Tâm nchră mâp măt, jao nău dơn kan an cán bộ n’gâng tơm ăp xã, phường mhe lôch n’glăp nsum. Tĭng nê, 231 cán bộ dơi Ban Thường vụ Tỉnh ủy nchŏng đă tâm ăp ntŭk gŭ kan n’gâng tơm lah: Bí thư, Groi Bí thư n’hanh Kruanh UBND gưl xã năm kan 2025–2030, nkre đah nău dơn kan n’gâng kan 2021–2026. Dŭt njrăng uănh khlay, geh 2 tỉnh uỷ viên dơi nchŏng đă ƀư bí thư xã, phường.

Nê lah wa Nguyễn Xuân Phước, Tỉnh ủy viên, Bí thư ơm Thị ủy An Khê dơi tâm pă ƀư Bí thư Đảng ủy phường Pleiku; wa Lưu Trung Nghĩa, Tỉnh ủy viên, Giám đốc Sở Nông nghiệp n’hanh Môi trường dơi tâm pă ƀư Bí thư Đảng ủy phường An Phú. 229 cán bộ êng lah kruanh ăp nkuâl, thị xã, nkual ƀon têh (mbra nchrai) n’hanh du đêt sở n’gâng kan ta n’gor. Ta tâm nchră, Tỉnh uỷ Gia Lai lah rjăp: gưl xã mhe lah ntŭk ƀư ngăn trong nchrăp, trong kơl bah Đảng n’hanh ngih dak, nkra bơi 80% rnoh âk nău kan bah n’gor. Yor kơt nê, săk blău kan, nuih n’hâm dơn kan bah rmôt cán bộ n’gâng tơm geh nău khlay tât nău n’glêh an.
Viết bình luận