Bah lơ 9/9 tât 12/9 Toàn quyền Australia Sam Mostyn n’hanh I ur geh rơh khâl gưl ngih dak tât Việt Nam tĭng nău jă bah Kruanh dak Lương Cường n’hanh I ur. Rơh khâl geh tâm rnôk 2 dak mhe n’hao prêh tâm boh kan ndrel têh hvi lĕ rngôch tâm năm 2024. Rơh khâl ƀư nău kơl bah Australia mpeh nău uănh khlay n’hanh kơl lor âk an nău hun hao tâm boh đah nkual Đông Nam Á, tâm nĕ geh Việt Nam.

Mpeh đah Việt Nam, nău wơt Toàn quyền Australia tât khâl rgop mbơh ƀư nău kơl bah dih bâh Đảng n’hanh Ngih dak uănh khlay tâm boh đah ăp dak nkual Nam Thái Bình Dương, lơn lah Australia. Aƀaơ Australia lah dak tăch rgâl têh tal 7 bah Việt Nam n’hanh Việt Nam lah dak têh tal 10 bah Australia. Geh prăk tăch rgâl ăp ding hao jêng đăp mpăn, geh rlău 14 rmen đôlar năm 2024. 2 ding dŭt n’hâm pơk mpông ntŭk tăch an ndơ lŏ mir bah 2 dak. Rơh khâl gưl Ngih dak tât Việt Nam bah Toàn quyền Australia Sam Mostyn mbra nâp nâl tay n’hanh n’hao nsing nơm đah 2 dak, rgop an tâm rnglăp, đăp mpăn n’hanh hun hao ta nkual.