Ôi nđaơ (28/11) ta Ngih Trung ương Đảng, ƀư an Huy hiệu 45 năm Đảng an đồng chí Trần Quốc Vượng, Tă ƀư rnâng kan ban Bí thư. Tổng Bí thư Tô Lâm tât râng n’hanh ntoh ngơi ta nar ƀư. Ndơn măt kruanh Đảng, Ngih dak jao an đồng chí Trần Quốc Vượng Huy hiệu 45 năm Đảng, Tổng Bí thư Tô Lâm mbah rhơn đồng chí Trần Quốc Vượng n’hanh ăp đồng chí dơi an Huy hiệu 40 năm, 30 năm Đảng, lah rjăp, ăp đồng chí dơi an Huy hiệu đảng nar aơ lĕ geh jŏ pah kan jŏ jong ta âk ngih pah kan, ntŭk kan, tâm rnôk ƀư tĭng nău kan dơi jao.

Êng đah đồng chí Trần Quốc Vượng ta ăp gưl pah kan lôch uĕh ngăn nău kan dơi jao, rgop khlay an nău ndâk njêng n’hanh mât njrăng trong chính trị pháp lý kơt ƀư dơi ăp nău kan chính trị bah Đảng, geh âk nău rgop têh tâm nău njrăng n’gang sa khâm sa ƀer, rgop nâp nâl nău nsing nơm cán bộ Đảng viên n’hanh ăp rơh kơn nuĭh ƀon lan đah Đảng.