Kêng măng 20/8, Tổng Bí thư Tô Lâm ƀư tơm rơh hop mpeh rnoh ngăch ƀư ăp nău kan nkah ndray 80 năm Cách mạng Khay pham n’hanh Quốc khánh 2/9. Nsing ta siƀŭt mbơh n’hanh tâm nchră, Tổng Bí thư lah rjăp pah kan leo ƀư, njŭn wơt ân ăp dăp, êng uănh khlay tât ăp nuĭh ntơh măt lah nuĭh geh n’hâm suan, nuĭh âk năm deh, nuĭh dơi kơl.

Aơ lah rnôk mpơl nău nkah gĭt bah Đảng, Ngih dak đah ăp nuĭh rgop an neh dak. Tổng Bí thư njrăng đă, rnoh nuĭh ƀon lan n’hanh năch rgum sĭt Hà Nội rnôk lễ mbra dŭt âk, têk nkre nău ŭch geh ntŭk gŭ sa, rsong hăn, râng nar têh khlay âk. Yor kơt nê̆, Ban rđău đă Trung ương n’hanh nkual ƀon têh Hà Nội ân nchrăp ăp trong wơt, kơp lĕ ma trôk nar mô dơh uĕh. Ndrel đah nău ăp dăp, uănh khlay, pah kan rnă njrăng, đăp mpăn ân dơi ăp tŏng, gay ăp nău kan nkah ndray jêng nar rgum têh bah lam ƀon lan.