Kêng măng 9/9 ta Hà Nội, Tổng Bí thư Tô Lâm ƀư tơm rơh rƀŭn đah Đảng ủy N’gâng kan ntĭm nti mpeh nu nău mbơh ƀư tĭng Nghị quyết 71 bah Bộ Chính trị mpeh ngăch hun hao ntĭm nti. Ntoh ngơi ta nar pah kan, Tổng Bí thư Tô Lâm lah rjăp đă nău rgâl na nê̆ n’hanh ndâk njêng trong ƀư Nghị quyết 71 ntrŭnh nău lôch uĕh n’hanh hăn lăp nău rêh bah Nghị quyết, nuih n’hâm mkra an dơi nu nău ntrŭnh ri di ma ƀư tĭng ri mô săk rnglăy, nkre ntop lôch jêh bôk nău ƀư tĭng Nghị quyết bah Bộ Chính trị mbơh an Chính phủ uănh an.

Tổng Bí thư uănh lah, an ntĭm kloh ăp nău an ƀư dâl đah ngăch mông nar na nê̆ n’hanh tâm pă na nê̆ nău kan tŏng ăp uĕh nâp ntĭm nti. M’hâm ƀư nchrŏng trong rƀŏng tât n’gleh dŭt an n’hao uĕh ntĭm n’hanh nti. Đảng, Ngih dak mbra uănh tât n’hanh nta nơih gay nău kan ƀư tĭng lôch uĕh ăp nău rƀŏng lĕ nkoch tâm Nghị quyết.