Ntoh ngơi ta rơh pah kan, Tổng Bí thư Tô Lâm an gĭt, nău ngăn ta du đê̆ ntŭk dôl ntrŭnh dŏng rnoh rpaih rnoh khlăy neh dŭt khlăy, jêng tât prăk ntrơn ntŭk gŭ gay ma ƀư ăp nău kan ƀư trong hao, ƀư rnoh khlăy neh ntu hao đŏng n’hanh âk nău tât êng. Bâh nău aơ, Tổng Bí thư Tô Lâm lah na nê̆ nău mĭn nău kan bâh nău nchrăp Luật an geh dŏng săk rnglăy bâh neh mpŏng tât nău khlăy bâh neh ntu an tâm di tâm ban, săk rnglăy, njrăng mpŭng lir, ngăn lah njrăng nău geh tĭng mbuch. Yor neh ntu lah nău kan têh, lah nău mĭn pah kan jan sa bâh n’gâng kan wăng sa, aơ lah nău khlăy lah nău kan lĕ rngôch bâh Đảng n’hanh Ngih dak. Tổng Bí thư lah na nê̆, ăp nău mĭn trong kan têh n’hanh ăp nău kơl kan khlăy bâh nău nchrăp Luật neh ntu rgâl mhe an geh tâm nău kan lĕ rngôch ăp luật geh tât ăp nkô̆ nău tơm khlăy ta trong kan thuế, ngih gŭ, tăch rgâl neh ntu, nău nchrăp kan ta nkual neh.