Ôi lơ 27/8, ta Hà Nội, Tổng Bí thư Tô Lâm râng ndrel râng ƀư tơm mâp măt ăp rơh ntoh măt Quốc hội di nkah 80 năm Cách mạng Khay Pham, Quốc khánh 2/9 ndrel rƀŏng nkah 80 năm nar Tổng tuyển cử bôk năp Quốc hội Việt Nam. Tổng Bí thư ryơk njoăl nau ôp khâl, nkah đă ăp nŭih rđau kan cách mạng, ăp nŭih leo trong lor ndrel ntoh măt Quốc hội bah ăp rơh. Wa lah rjăp, 80 năm ma aơ, Quốc hội Việt Nam mro hăn ndrel mra rnoi mpôl, lah ntŭk tâm nchră, ntrŭnh ăp nau kan khlay, ntoh nau mĭn, nau ŭch bah ƀon lan.

Mbơh nkoch bah năp rlau 2.200 ntoh măt, Tổng Bí thư lah rjăp ntrong hun hao neh dak tâm rơh tât, ngăn lah ƀư nau dơi nau ntrŭnh Đại hội XIII ndrel nchrăp ueh ân Đại hội XIV bah Đảng. Wa lah rjăp 3 nau kan: đăp mpăn neh ntu, nkuăl neh ndrel đăp mpăn nau rêh jêng; hun hao ngăch, nâp; mô nsrŭng n’hao prêh drăp ndơ, nuih n’hâm bah ƀon lan./.