Ôi 18/8, Tổng Bí thư Tô Lâm ƀư tơm rơh mâp măt ăp kruanh rđău kan cách mạng ơm, Ủy viên Trung ương Đảng ơm, kruanh rđău kan ăp ban ơm, nhih pah kan bah Đảng, Mặt trận Tổ quốc Việt Nam n’hanh ăp mpôl kan chính trị - rêh jêng kon nuĭh Trung ương. Rơh mâp măt dơi ƀư nkhêp nkah ndray 80 năm Cách mạng Khay pham n’hanh Quốc khánh 2/9, gay nkah tay nău way ơm lịch sử n’gloh ang, nkre mpơl nău nkah gĭt bah Đảng, Ngih dak đah ăp rơh kơn hăn lor bôk năp.

Tổng Bí thư Tô Lâm nchih nkah, rnê âk ăp nău rgop têh kuâng bah ăp kruanh rđău kan cách mạng ơm tâm n’gâng kan rlăch ndăng rklaih luh rnoi nuĭh n’hanh rdâk njêng neh dak. Păng mbơh mpeh  nô nău neh dak aƀaơ, nkoch ăp nău dơh uĕh n’hanh lĕ ma jêr jŏt, ntul rlong đŏng. Tổng Bí thư mpơl nău ŭch rŏng ăp đại biểu ntik n’hao tay bôk rngok gĭt blău, nău tă ơm gĭt, ndrel hăn n’hanh Đảng n’hanh ƀon lan, rgop rdâk njêng neh dak ăp tŏng, rhơn răm, nâp jâng chuat tâm rơh hun hao mhe đŏng.