Ôi 15/9, Tổng cục Công nghiệp quốc phòng, Bộ Quốc phòng ƀư Lễ nkah ndray 80 năm Nar way ơm (15/9/1945-15/9/2025) n’hanh wơt dơn săk ntơ Anh hùng Lực lượng vũ trang nhân dân. Ntơh măt kruanh rđău kan Đảng, Ngih dak ntăm an săk ntơ Anh hùng Lực lượng vũ trang nhân dân an Tổng cục Công nghiệp, Tổng Bí thư Tô Lâm lah rjăp, rlău 80 năm rdâk njêng, rlăch ndăng n’hanh têh jêng, cán bộ, tahen, quân nhân chuyên nghiệp, công nhân viên chức, nuĭh kan quốc phòng bah n’gâng kan Quân giới ntơm nơh n’hanh Tổng cục Công nghiệp quốc phòng aƀaơ hŏ mpơl han săk chính trị nâp dăng, du nuih n’hâm nsing nơm n’gâng kan cách mạng bah Đảng, nuih n’hâm rlău jêr jŏt, nsrôih ndôr êng, đăp dêh, blău ƀư mhe, tâm rnglăp krêp dêh đah ƀon lan.

Tâm let năp tay gay ƀư wat jêh ăp rnoh tât rdâk njêng tahen ƀon lan Việt Nam dăng chŏl lor, đăng hăr, têh dăng mhe, Tổng Bí thư dăn đă Quân ủy Trung ương, Bộ Quốc phòng rgum rđău đă Tổng cục Công nghiệp quốc phòng way đăm gĭt jru, tĭng ƀư jăp, geh nău tam ăp trong nchrăp, rđău đă bah Đảng, Ngih dak, tahen mpeh hun hao công nghiệp quốc phòng, kan nsum lhăt đah njrăng n’gang neh dak nkre đah wăng sa, wăng sa nkre đah njrăng n’gang neh dak tât năm 2030.