Ôi 23/6, Tổng Bí thư Tô Lâm pah kan đah Đảng uỷ Mặt trận Tổ quốc, ăp rmôt kan Trung ương ndrel pă nau ntrŭnh bah Bộ Chính trị mpeh nau ndâk ntŭk kan Uỷ ban Trung ương MTTQ Viêt Nam. Tâm nar pah kan, Tổng Bí thư Tô Lâm đă, Đảng uỷ MTTQ Việt Nam, ăp ntŭk kan bah Trung ương, Đoàn Kruanh Uỷ ban Trung ương MTTQ Việt Nam ndrel ăp ntŭk kan nsum lŏ ƀư ueh nau kan tơm chính trị, n’hao nau nkoch trêng, rgum, bonh đă ăp kơn ƀon lan tâm ndrel bah dih dak ndrel nŭih Việt Nam tâm dak ba dih.

Rgum ăp tu tơm, ndâk nau rjăp n’hâm dăng bah ăp ƀon lan, tâm ban nuih n’hâm, nsum n’hâm ƀư dơi “4 nau ntrŭnh n’gâng tơm” bah Bộ chính trị (Nau ntrŭnh mrô 57, 59, 66, 68). Bonh đă cán bộ, công chức, viên chức, nŭih pah kan ndrel ăp kơn ƀon lan tâm ban nau, rgop ƀư ân dơi nau kan rgâl mhe dăp rgum ntrong kan tă bah Trung ương tât nau ƀư rtŭt gleh, dăng, tam, ntrơn ntơm nau mât jêng nau njêng hun hao, kơl an ntŭk kan ndrel ƀon lan, sŏk ntŭk ƀư nau kan tăch rgâl, ƀon lan ƀư tơm./.