Nkah ndray 80 năm Cách mạng Khay pham geh nău dơi n’hanh Quốc khánh 2/9, ôi 25/8 ta Hà Nội, Bộ Ngoại giao ƀư Lễ nkah ndray 80 năm njêng N’gâng kan tâm boh dak bah dih n’hanh wơt dơn Huân chương lao động hạng Nhất.

Ntơh măt kruanh rđău kan Đảng, Ngih dak ntăm an Huân chương lao động hạng Nhất an Bộ Ngoại giao, Tổng Bí thư Tô Lâm mbah rhơn ăp nău dơi, nău rgop ngăch prăl bah n’gâng kan tâm boh dak bah dih, nkre nkoch kloh, nha hôm rêh ndrel đah njrăng n’gang neh dak, rnă njrăng, Đảng n’hanh Wa Hồ dŭt n’hâm uănh khlay nău kan bah n’gâng kan tâm boh dak bah dih. Tổng Bí thư Tô Lâm dăn đă, let năp tay lam n’gâng kan tâm boh dak bah dih ân rdâk njêng jâng nsing tâm boh lam lĕ rngôch, têh dăng mhe, way blău kan, nsĭt săk tơm Việt Nam; lam lĕ rngôch ta lĕ pe n’gâng tơm: Tâm boh dak bah dih Đảng – tâm boh dak bah dih ngih dak – tâm boh dak bah dih ƀon lan, nkre đah njrăng n’gang neh dak, rnă njrăng, wăng sa, khoa học công nghệ, văn hoá n’hanh nău lư dak bah dih.