Rhơn ăp nău dơi geh ntoh lư ma Radio ntoh rup dơi geh tâm ba năp nơh, Tổng Bí thư Tô Lâm lah na nê̆, tâm rơh hun hao mhe, rnôk lĕ ma Đảng, lĕ tahen, lĕ ƀon lan he dôl nsrôih ƀư dơi Nghị quyết Đại hội tal 13 bâh Đảng, mpŏng tât Đại hội Đại biểu lam dak tal 14, yor nĕ Radio ntoh rup Việt Nam lơ ma mpơl na nê̆ nău leo kan, nău tơm khlăy ndâk nsơm nău knơm n’hanh nău tâm ban ta ntŭk rêh jêng. Tổng Bí thư Tô Lâm đă, Radio ntoh rup Việt Nam an geh ntrôl rgâl mhe rnoh mbrô lĕ rngôch, hun hao trong kan sinh thái way ơm geh âk nău kan, mpŏng tât jêng rmôt kan mbơh tơih nău mhe công nghệ mbrô ngih dak ueh mhe, leo kan tĭng trong rgum  nsum, ƀư rnoh mbrô lĕ rngôch, leo bôk năp tâm nău pah kan jan sa n’hanh pă mbơh nkô̆ nău an ueh di, âk nău kan, âk nău ngơi, dŏng công nghệ mhe kơl an ƀon lan tâm n’hanh bah dih dak, ntop mat nâp nău ƀư tơm mbơh nău ngih dak, n’hao nău dơi Việt Nam ta ntŭk kan bmơh nău mhe lam ntur neh.