Nar 15/9, ta nhih pah kan Trung ương Đảng, Tổng Bí thư Tô Lâm ƀư tơm rơh pah kan đah Đảng ủy Bộ Ngoại giao n’hanh ăp nhih pah kan geh tât. Lah n’glôch jêh rơh pah kan, Tổng Bí thư Tô Lâm rnê âk nău rgop lĕ nuih n’hâm, jru hvi bah kruanh rđău kan Đảng ủy Bộ Ngoại giao, Quân ủy Trung ương n’hanh Đảng ủy Công an Trung ương. Tổng Bí thư lah rjăp nău mĭn rđău đă bah Đảng mpeh ntrôl dăng tâm boh dak bah dih, lăp rgum dak bah dih lah nău dơn dơn kan “rgum tơm, way mbro”, nkre lah rjăp nău khlay bah nău kan nsum pe n’gâng tơm: njrăng n’gang neh dak – rnă njrăng – tâm boh dak bah dih.

Tổng Bí thư Tô Lâm dăn đă Đảng ủy Bộ Ngoại giao kan nsum tay lhăt đah ăp n’gâng kan, ăp n’gor tâm nău an ƀư nchrăp lor, ăp kôp, geh nău tam nău dơn kan tâm boh dak bah dih. Tổng Bí thư ntĭnh n’gâng kan tâm boh dak bah dih rƀah gĭt nău lư, n’hao săk tam, nsĭt geh nău dơi n’hanh năn ngăch bah pah kan gŭ mĭn, nsŏng kơl an Đảng n’hanh Ngih dak tâm ăp nău n’glêh an trong têh jong. N’gâng kan tâm boh dak bah dih ân ntik n’hao nău khlay kan dâk leo lor tâm rdâk njêng ntŭk gŭ rêh đăp mpăn, bah tâm lơh tâm su, ndăn tơm ndơ dak bah dih gay ƀư tât jêng ngăn ngăn rnoh tât hun hao neh dak năm 2030 n’hanh 2045.