Ta rơh tâm nchră, Tổng Bí thư lah na nê̆, Đảng, Ngih dak n’hanh ƀon lan Việt Nam way kahgĭt nău kơl an, kơl kan bâh Thượng viện, Quốc hội, Chính phủ, ƀon lan n’hanh tahen Campuchia đah ƀon lan Việt Nam ta trong kan rklaih đăp mpăn mpôl rnoi ntơm nơh n’hanh rdâk njêng neh dak aƀaơ, lah na nê̆ Đảng, Ngih dak Việt Nam way geh uănh khlăy n’hanh an lor bôk năp an nău rdâk njêng, hun hao nău tâm boh kan đah 2 dak mô rlu hun hao ueh. Kđăch Norodom Sihamoni rhơn ăp nău dơi geh têh kuăng, geh nău kan khlăy ma ƀon lan bar dak lĕ dơi geh ta rơh rgâl mhe, rdâk njêng n’hanh hun hao neh dak, knơm an lah, đah nău leo kan bâh Đảng Cộng sản Việt Nam, leo bôk năp lah Tổng Bí thư Tô Lâm, ƀon lan Việt Nam mbra geh ăp nău dơi mhe, têh kuăng lơn tay, ƀư tĭng geh nău dơi nkô mpŏng kan ma Đảng ngluh mbơh ntop ta nău hun hao nsum bâh ta nkual n’hanh lam ntur neh. Kđăch Campuchia lah na nê̆ nău ŭch n’hanh nău nsrôih âk bâh ăp nuĭh leo kan n’hanh ƀon lan Campuchia an geh bun dăp tay n’hanh mât đăp mpăn nău tâm boh kan đah bar dak.

Ta năp nĕ, lôch geh rơh vơt ngăn ta ntŭk kan Kruanh dak, Kruanh dak Lương Cường lĕ tâm nchră đah Kđăch Campuchia.