Tổng Bí thư Tô Lâm n’hanh Groi Thủ tướng, Kruanh Đảng Dato’ Seri Dr. Ahmad Zahid Hamidi lĕ tâm mbơh mpeh nău đah 2 Đảng, 2 dak n’hanh ăp nău hun hao khlăy ta trong tâm kơl 2 ding đah Việt Nam n’hanh Malaysia tâm ba năp nơh. Tổng Bí thư Tô Lâm đă Groi Thủ tướng, Kruanh n’gâng kan hun hao ƀon lan Malaysia geh mât uănh, ntĭm đă tay ăp ntŭk têh an geh tâm rgop đah ăp ntŭk kan bâh Việt Nam ntrôl, n’hao an geh săk rnglăy, nkret ƀư, tui kan, ndơ ngêt sông Việt Nam lăp ta ntŭk tăch rgâl Malaysia. Việt Nam mbra geh pă tay phe đăp mpăn an Malaysia n’hanh tâm mbơh nău tă blău kan mpeh hun hao tuch tăm, tâm nĕ geh ndơ sông sa, cà phê đah Malaysia.