Kêng măng nar 04/12, ta nhih pah kan Trung ương Đảng, Tổng Bí thư Tô Lâm hŏ wơt wa Maeda Tadashi, Kruanh Hội đồng quản trị Ngân hàng tâm boh dak bah dih Nhật Bản (JBIC) dôl khâl n’hanh pah kan ta Việt Nam. Tổng Bí thư Tô Lâm lah rjăp Việt Nam uănh khlay tâm boh đah Nhật Bản; mĭn lah ăp nkô̆ nău ma Chính phủ Nhật Bản n’hanh JBIC uănh khlay lah ăp trong an ƀư lor đăt ndal bah Việt Nam tâm let năp tay, tâm nê geh ntung trong, ŭnh nar, công nghệ mbrô.

Tổng Bí thư Tô Lâm rhơn rnê nău mĭn nsum mpôl châu Á mô hôm n’gluh n’huk djơh (AZEC) tă bah Thủ tướng ơm Nhật Bản Kishida Fumio dăn đă n’hanh dôl tĭng ƀư trong hăn tât năm 2050 ma Việt Nam hŏ ton ta COP26. Việt Nam mbra tâm boh đah Nhật Bản n’hanh ăp dak tâm ăp trong kan mhe nkoch bah lơ nê, dăn đă Nhật Bản n’hanh JBIC ndrel hăn tay nău hun hao bah Việt Nam, nkre uănh khlay ntrŭt ntrôl buăt nthoi ntung trong đah ăp dak Đông Nam Á, Tiểu vùng Mê Công lĕ mpeh ntung trong, ŭnh nar, mât prăp nău lư têh.