Nar nđaơ (16/9), ta Ngih Trung ương Đảng, Tổng Bí thư Ban Chấp hành Trung ương Đảng Cộng sản  Việt Nam Tô Lâm lĕ wơt Ntop kơl kan Tổng thống Nga, Kruanh Hội đồng Dak lêng Nga Nikolai Patrusev dôl geh rơh khâl tât Việt Nam bah lơ 15-16/9/2025. Ta nar wơt, Tổng Bí thư Tô Lâm mĭn lah rơh khâl bah Mpôl Hội đồng Dak lêng lah an saơ săk rnglăy, ngăn ngên bah tâm boh ăp ding, ngăn lah tâm nău na nê̆ ăp tâm ton gưl prêh dơi geh đah 2 dak.

Tổng Bí thư Tô Lâm mĭn lah Việt Nam lah du dak mper dak lêng, gay geh âk nău rƀŏng trong kan têh mpeh hun hao neh dak tâm năm tât, Việt Nam an jêng neh dak lêng têh dăng, rgop âk đăp mpăn, rnă njrăng, kan ndrel n’hanh hun hao ta nkual n’hanh ta lam ntŭr neh; dăn đă Liên bang Nga đah nău du dak geh âk nău blău mpeh ăp nău ƀư tâm ntil nău dak lêng mbra ntop kơl n’hanh kan ndrel đah Việt Nam ta nău ndrel geh, tâm di đah tâm boh dăch dêh way ơm n’hanh Kan ndrel têh lĕ rngôch đah 2 dak.