Nkhêp nkah ndray 80 năm Nar njêng Radio nău ngơi Việt Nam, kêng măng (27/8), Nhih pah kan way gŭ kan ta nkual Tây Nguyên (VOV Tây Nguyên) ƀư mâp măt cán bộ, công chức, viên chức n’hanh nuĭh kan tă pah kan ta nhih pah kan, hŏ rlu ranh. Lôch 32 năm njêng n’hanh hun hao, nhih pah kan way gŭ kan ta Tây Nguyên hŏ năl dơi ntŭk gŭ khlay kan bah du nhih pah kan báo chí Trung ương way gŭ ta nkual, geh nău khlay kan tâm nău tĭng ƀư ăp bôk nău kan pơk nău ngơi rnoi mpôl đê̆, pơk ta mbrô ƀoh pơk nău ngơi gưl neh dak.

Ndrel đah ƀư luh ta ntŭk n’hanh pơk 6 ntil nău ngơi: Rđe, Bu nong, J'rai, Kơ Ho, Ba Na n’hanh Xơ Đăng, nđơn pơk ƀoh tay nău ngơi Mông, nău Thái, Nhih pah kan way gŭ ta Tây Nguyên hôm ƀư rgum joi rhôp nău nteh chĭng gong, mpât mprơ, nđơn yău Tây Nguyên; gŭ mĭn khoa học rhŏ dŏng an rblang n’hanh pơk ƀoh nău ngơi rnoi mpôl đê̆ nkoch gĭt lư, nkoch gĭt ăp ntil tâm nău rêh wăng sa- chính trị, rêh jêng kon nuĭh ma ăp nău nchih báo chí âk ntil ndơ pơk uănh bah ăp ndơ rhôp ƀoh bah Radio nău ngơi Việt Nam. Wa Đinh Hữu Trường, Kruanh jrô kan Phóng viên ơm VOV Tây Nguyên mpơl nău, du nuih n’hâm, tâm rnglăp bah nsum mpôl cán bộ, công nhân viên nhih pah kan mbra lah ntŭk nsing, suan ntrôl gay wat jêh nău dơn kan tâm rơh mhe, ndrel hăn neh dak, nkual, mpơl dơi nuih n’hâm “tâm rnglăp – rlău dơi jêr jŏt- sôt hơr- săk tơm – rlai lăp nsum”.