Ôi 29/7, rmôt kan ntoh măt gưl prêh Uỷ ban Trung ương MTTQ Việt Nam yor wa Đỗ Văn Chiến, Kruanh Uỷ ban Trung ương MMTQ Việt Nam ƀư tơm, hŏ khâl Đại học Khoa học Tokyo ndrel tâm n’ur ma sinh viên Việt Nam. Wa Đỗ Văn Chiến lah ueh nau kơl an bah ngih săm ƀŭt ân 39 sinh viên Việt Nam dôl ntĭm nti ta aơ, nkre ŭch ngih săm ƀŭt ndơn âk tay sinh viên Việt Nam ndrel pơk hvi nau kan pă kơl an prăk ma sinh viên ndrel nghiên cứu sinh Việt Nam.

Wa lah rjăp sinh viên Việt Nam ndrel nŭih Việt Nam geh tŏng nau dơi ndrel nau dăng gay ma ntĭm nti tâm ngih săm ƀŭt, tâm 2 nau kan mpeh tâm rlong ndrel nau ngơi dak ba dih, kŏ kơt lah prăk dŏng. Ngih săm ƀŭt hŏ kí ton nau tâm boh ma ăp ntŭk n’gâng kan ntĭm nti geh nau rnơm bah Việt Nam, tâm nê geh Đại học Bách khoa. Jêh nar pah kan ma rđau kan ngih săm ƀŭt, wa Đỗ Văn Chiến ndrel rmôt kan bah Việt Nam hŏ tâm n’ur ndrle pă ndơ ân sinh viên Việt Nam dôl ntĭm nti ta aơ./.