Ôi 12/2, ta rơh hop way nkô̆ tâl prăm, Hội đồng nhân dân n’gor Dak Lak khóa X, năm kan 2021-2026 hŏ kơi ntop ƀư Groi kruanh Hội đồng nhân dân n’gor Dak Lak khóa X, năm kan 2021-2026 đah wa Phúc Bình Niê Kdăm. Wa Phúc Bình Niê Kdăm deh nar 8/9/1983, nuĭh Rđe, ƀon tơm xã Ea Pốk, nkuâl Cư M’gar, n’gor Dak Lak (aƀaơ lah xã Quảng Phú, n’gor Dak Lak); trình độ chuyên môn cử nhân luật, cử nhân kinh tế, cao cấp lý luận chính trị.

Lor rnôk dơi sơch ƀư Groi kruanh HĐND n’gor, păng lah Tỉnh ủy viên, Groi kruanh Ban Tuyên giáo n’hanh Dân vận Tỉnh ủy Dak Lak. Lôch jêh bầu cử ta rơh hop way nkô̆ tâl prăm dơi HĐND n’gor Dak Lak n’gluh an dŏng di quy định. HĐND n’gor jao Rnâng kan HĐND n’gor wat jêh ăp siƀŭt geh tât gay hao rblang dăn Ủy ban Thường vụ Quốc hội uănh an tĭng di quy định bah pháp luật.